Radio Mi është një projekt i cili lind nga dëshira dhe ambicja për të krijuar dhe zhvilluar një medium përfaqësues mbi artin dhe kulturën në vendin tonë. Emri i këtij mediumi i kushtohet kujtesës së Andrea Salvatore Mi, kontributit të tij kulturor e profesional si gazetar radiofonik, artist, kurator, docent, promotor, por mbi të gjitha dashamirësisë dhe pranisë së tij të palodhur në skenën alternative kulturore Shqiptare. Sot ky medium ka për qëllim jo vetëm të reflektojë praktikën e tij të lartë profesionale por dhe të krijojë vazhdimësi mbi një platformë dhe urë komunikimi të ndërtuar në harkun kohor të një dekade.
